جمعه 24 آبان1392

اهدای یک کیس کامپیوتر و یکصد جلد کتاب به انجمن میراث گنبد


عاشرمحمد رئوفی خبرنگار : هفته گذشته در جلسه انجمن شعر وادب میراث ترکمنی گنبدکاوس ، داورزنی رئیس اداره فرهنگ وارشاد اسلامی گنبد به طور سرزده در جمع شاعران ونویسندگان حضور پیدا کرد.

وی از شاعران خواست تا در عرصه شعر وقلم ویا کلمات معجزه کنید. وخطاب به آنان گفت که شما وظیفه سنگینی به دوش دارید ودر راستای مختلف فرهنگی اجتماعی وسیاسی بپردازید.

رئیس اداره ارشاد نفوذ کردن و در دل مردم جای گرفتن را راز جاودانه ماندن یک شاعر توصیف کرد.

وسپس از شاعر پرآوازه ترکمن مختومقلی نام برد وگفت که مختومقلی فرزند زمان خودش بوده است وشعرهای اجتماعی می گفت وراز جاودانه ماندن این شاعر همین است.

داورزنی از شاعران خواست تا در مناسبتهای ملی مذهبی کشور ایران توجه کنند ودر موضوعات دفاع مقدس-وحدت-امر به معروف ونهی از منکر- ایام دهه فجر-یادواره شهدا و... با زبان شعر حضور داشته باشند.

وی در بین سخنان خود تاکید کرد که این انجمن یک انجمن فرهنگی و زیر نظر اداره ارشاد است واین مکان متعلق به شخص نیست و عموما اعضای انجمن استفاده خواهند کرد و با مکاتبات اداری بین شهرداری واداره ارشاد صورت گرفت و برای گرفتن ان با یک نگاه دولتی اقدام کردیم.

در پایان رئیس اداره فرهنگ وارشاد اسلامی گنبد اعلام کرد که به انجمن شعر وادب میراث گنبد یک عدد کیس بدون مانیتور کامپیوتر ویکصد جلد کتاب اهدا خواهد کرد که ارزش کیس حدود یک میلیون تومان خواهد بود.

وسپس به چندی از سوالها از سوی اعضای انجمن جواب دادند.

نوشته شده توسط عاشرمحمد رئوفی در 11 بعد از ظهر |  لینک ثابت   • 

جمعه 24 آبان1392

جمعه آبان آیی نینگ 17 و24 نه ، میراث اوجاغی نینگ اوتیرشیغی


جمعه آبان آیی نینگ 17 و24 نه ، میراث اوجاغی نینگ اوتیرشیغی

عاشرمحمد رئوفی  خابارچی : بوگون جمعه آبان آیی نینگ 24 گنبدینگ میراث اوجاغی نینگ ینه بیر اوتیرشیغی بولدی.  یونه گچن آننا گونی آبان آیی نینگ 17 سینه گچیرلن اوتیرشیغنینگ قیسغاراغا آیدیب گچه یین.

اول اوتیرشیغدا بیرناچه شاهیرلارمیز شول ساندان احمد سارلی- اراز نظری-جبارقلی مارامایی-حاجی مراد آق غوشغی اوقیدیلار.

خلیل یزدانی گچن هفته لرداکی یالی ، دکتریوسف آزمون بیلن گوررینگدشلیگنینگ باشغا بیر بولیمینی اوقاب بردی.

اونینگ ماضمونی مختومقلی فراغی نینگ غوشغی لارنی ناحیللی باشغا غوشغی لاردان سایلامالی دیان سوراغ بارادا دی.

شیله ده قلیچ میللی نینگ یادکش آدامدیغیندان آغزالیب شونینگ یادتوتماغیندان شیله ده اونینگ ال خاطی بیلن فراغی نینگ قول یازما کتابی نی دوره دندیگنی هم یادلاب گچدی.

اما ساغات اون بیره قولای مدنیت اداراسی نینگ باشلیغی جناب محمدرضا داورزنی دویدانسیزلیق بیلن آرامیزا غوشیلیب بیرناچه آیدیلمالی سوزلری آیتدی.

اول میراثینگ تازه مکانی نی غوتلاب شوواغتا چنلی آرا گلیب بیلمه دیگیندن اوتینچ سوراب شیله دیدی.

سیز یازماقدا سوزلر بیلن شغر یاساماقدا اولی بورجلی سینگیز. سیزه دورموش یاغدایداکی میللی سیاسی وکوپچیلیگلی موضوعلارا دگیشلی واقعالارا خاصلانیب یازمانگیز گرگلی بیرزاد دیر دیدی.

هرکیم اوز زاماناسینداکی خلق کوپچیلیگلی قینچیلیقلارا یوزله نیب اثر دورتسه خلقینگ یوره گینده اوتیرجاقدیغینا شک یوقدیر ، بیک مختومقلی فراغی هم شول حاطاردأکی آداملاردان دیر دیب بللاب گچدی.

ینه ده آغزی بیرلیگه دگیشلی دنیا قارایشلی بولمانگیز هم گرگلی دیر دیدی.

جناب داورزنی سوزی نینگ دوامیندا بو انجمن (میراث اوجاغی شخصی بیر آدامینگقی دالده ایسم عمومی شاهیر یازیجی لارا خاصلانیب مدنیت اداراسی وشهرداری نینگ ایلالاشماغنینگ نتیجه سینده رسمی خطلر آرقالی سیزینگ بارینگیزا بریلن مکان دیر دیب برک تاکیدلاب آیتدی. سوزینی تاصدیقلاماغا آرادا بو ایش اوچین یازیلان ادارا خطلارنی هم گورکزدی.

اوندان سونگرا یازیجی چرکز اونق هم شاهیر یازیجی لارینگ اثرلری چاپ بولماغیندان ایلکی مدنیت اداراسی نینگ بارلاب گوزدن گچیریاندیگنه سالغیلانیب ، کتابی بارلادماغا بریان آداملاری کتابینگ ماضمونی بارادا دولی علملی آداملار دال و انچمه یازیجی لارمیزینگ اثرلرنینگ چاپ بولماغی نینگ اؤوینه گچیارلر دیب نأگیلگلیک بیلدیردی.

شاهیر عاشرمحمد قولاق بولسا شاهیر یازیجی لارینگ بیمه بولماقلیغی ضرور دیب بلله دی وبیمه اوغردا تولنیان پولینگ هم کاندیگنه اشارات ادیب بو مهم وگرگلی بیمه مسئله سینه تولنملی یاغدایا انچمه لرینگ ممکینچیلگی یوق دیب اشیتدیردی.

بو اوتیرشیغینگ آخیریندا جناب داورزنی ، میراث اوجاغینا بیریوز جیلد کتاب همده بیر کامپیوترینگ کیس نی سوغات ادجک دیب خبر بردی.واول اوتیرشیق شیله لیک بیلن سونگا یتدی.

اما بوگونکی اوتیرشیقدا شاهیرلار آق محمد بدراق نژاد-آمان دردی مقدر-جلیل سیدی-عاشرمحمد رئوفی- هم اوز غوشغیلارنی اوقیدی.

شاه محمد یلقی بوگونکی اوتیرشیقدا میهمان بولیب مهک داش باردا ترکمنستانلی یازیجی لارینگ بیریندن بیر مقالا اوقیدی.

یازیجی چرکز اونق بولسا میراث اوجاغی نینگ هفتانینگ دوامیندا بیرناچه گون آچیلیب دوریلماغینی تابشیردی .

مهندس خوشکام واحمد جهانی یاشار نیازی هم چرکز اونق نگ تابشیرقیسینی اونگایلاب اونینگ عامالا آشیرلماغینی برک نیغتادیلار.

بهروز ایری ومنصور طبری میراثینگ یولباشچیلاری بیله ایسلگلرینگ دوامیندا اؤز آرا اوتیرشیغمیزدا بو مسئله نی ارا آتدیق و هفتانینگ یکشنبه وسه شنبه گونلری اویلان ساغات 15 دن 18 چنلی بو اوجاغینگ قافسی آچیلجاقدیغیندان خبر بردیلر. و هفتانینگ پنچشنبه گونینده بولسا خانم ایناز سخاوی دستان یازیلمالیغینگ هناری و یوللارینی اؤوردمک اوچین کلاس قویجاقدیغنی بللاب گچدی. هوسجنگلر پنچشنبه گونینده ارتیرلرنه ساغات 10 دان اون ایکأ ، اویلانلرنه ساغات 15 ده 17 چنلی یولا غاتناشیب بیلرلر دیب ایغلان اتدی.

یاشار نیازی آیری گونلرده قافی آچیلیب دورماغینا میراثینگ دولاندیریجیلارنا کمک بولار یالی یوریته کمیته لر سایلانمالی دیب یادلاب گچدی. جلیل سیدی بولسا ناحیللی کمیته لر سایلانمالی ونادیب ایشله مگلری بارادا یازیب غویان برنامالاریم بار دیب یوزلندی.


شاهیر عاشرمحمد رئوفی (قولاق) نگ بوگونکی اوقیان غوشغی سی

قابانجانگ گلین آدلی غوشغی دی.(اول ترکمنستانلی شاهیر آتامراد اتابایف نگ شیله ماضمونلی غوشغی سیندان تاثیرله نیب دوره دن غوشغیم دیب اوقادی .

 قابا نجانگ گلین

بیر گلین آدامسین قوی گوریارمیشین           یانیندا اوتیرمیش تومیسین قیشین

آدامسی نینگ گوزی دوشسه بیز قیزا           بهانالار بیلن تابیارمیش ایشین

یگیدهم سویارمیش اؤز سور یارین               اوغریندا غایغیرمان قوییارمیش بارین

یادینا دوشه نوق باشغانی سویمگ                هناری یاری نینگ ایزیندا کؤیمگ

اول گلین بیله نوق اونینگ بولشینی              اؤزی اوچین ییلغیرشینی گولشینی

یارینی قابانیب بریار آزاری                          یاری اؤلیب بجه ریلدی مازاری    

اونگ نادیب اؤله نین بیلمیار ایلی                  بیلسنگیز اؤلدیردی شو گلنینگ دیلی

گلین اونینگ گیده نینه غینانیب                   برن آزارلارین یادینا سالیب

گیدیب اول بیر تالیچی نگ یانینا                   نامه حالده گزیب یؤر دیب یارینا

ایکی اوچ کتابی آچیب دیر موللا                   آی گلین غایغی ادمه اول یخشی حالدا

حویر قیزلار قورشاب آلان داشینی                طیارلاب بریارلر ایجگ آشینی

بیریسی آقیدیب یودیریار الین                       اول بیر یؤرأنده توتیب دور قولین

موللا قوتاران سونگ آیدان سوزینی                گلین بیر آلارتدی قره گوزینی

حویرلر ! آقیدیب یودیریار الین !!!                    من ولی یانینا بارایین ولین

حاضیر من گیده یین اونینگ ایزیندان            توتایین اونگ توفیغیندان دیزیندان

اوقلایین من اونی دوزخ اودینا                   حویر قیزلار دوشمز یالی یادینا

یارینی قابانیب حویر قیزیندان                   گیدیب دیر اول شول یاری نینگ ایزیندان    

 

شیدیب بو اوتیرشیق هم سونگا یتدی.



 

 

 

 

نوشته شده توسط عاشرمحمد رئوفی در 11 بعد از ظهر |  لینک ثابت   • 

شنبه 27 مهر1392

گلجگ آننا گونی عالم یازیجی، هادی خرمالی نینگ میراث اوجاغیندا اوتیرشیغی گچیرلجک

گلجک آننا گونی میراث اوجاغی نینگ ادبی اوتیرشیغیندا عالم یازیجی هادی خرمالی نینگ یوریته اوتیرشیغی گچیریلجک.

بو اوتیرشیغدا اونینگ یازیب چاپا یتیرن «چشمانم زنده است» کتابی آرا آتیلیب اول بارادا تانقید بولیب شیله ده کتابینگ کمچیلیگی بارادا و یازیجی نینگ کتاب اوغردا قارایشی بارادا شاهیر یازیجی لارینگ آراسیندا یازیجی هادی خرمالی نینگ اوزی بیلن ایکی تاراپلایین کوپ سوزلری آرا آتجاقلار.

سیز اوقوچی لاردان هم بو کتاب بارادا بولجاق گوررینگلرنگیز یادا آیداماغا باشغا سوزلرنگیز بولسا شول اوتیرشیغا غاتناشیب فکر برمکلینگیزی خواهش ادیاریس.

حرمت بیلن عاشرمحمد رئوفی میراث اوجاغینینگ آغضاسی

 

نوشته شده توسط عاشرمحمد رئوفی در 10 بعد از ظهر |  لینک ثابت   • 

جمعه 5 مهر1392

میراث اوجاقینگ بوگونکی اوتیرشیغی


گنبدینگ میراث آدینی گوتریان غوشغی وادبی اوجاقی هر هفته نینگ آننا گونلری اوز اوتیرشیغلارنی گچیریار. بوگون آننا گونی مهر آیی نینگ 5 ی بو اوجاغینگ ینه بیر اوتیرشیغنینگ شایادی بولدیق.

بو گون میراثی نگ باش توتانلارنینگ بیری فرهاد قاضی اوتیرشیغی دولاندیردی.

اول گوررینگه گچمانکأ بیر ناچه بللگ لره گوز آیلاب شیله خبر بردی. اول بوگون میراثینگ باشلیغی منصور طبری نینگ گلمه دیگنینگ سببینی ، منصورینگ اوغلی تیمور یوردیمیزینگ گون اورتا سیندا یرلشن اهواز شهرنینگ یوقار اوقو جایی نینگ مال دکتر بولیمینه گچندیگنی آیتدی و اوغلی نینگ آدینی یازدیریب اوقووا باشلادماغا و یولا سالماغا گیتدی دیب  آچیقلادی.

ینه ده ساغادینگ ایزا سویشنی سببلی ساغت اون دا باشلایان بو اوتیرشیق گلجگ هفته لرده ساغت دوقوز دا باشلانمالی دیب ایغلان اتدی.

میراثی نگ آغضالاری دوسلامیز قیوم آق آتابای بیلن داود آورندینگ هم شورا سایلاوچیلیغدا اوستینلیگه چیقیب ینه شورای بخش سایلاوچیلیغندا هم یول آلاندیگنی بوشلادی.

وتازه آلان مکانیمیزینگ بیر ناچه کمچیلیکلری هم بار و هر کیم یاغداینا گورا آرقالاشسین دیب هم آغضالارا یوزلندی.

ینه اول میراث نگ سایتی و ایچری غازیاتی هم ایزارلانمالی ودوام تاپمالی دیب برک نیغتادی. وهر ایکی آیدان اوتیرشیغلار هم یولا دوشمه لی و ایلکنجی اوتیرشیغینگ میهمانی بللی یازیجی میز هادی خرمالی دیب اشیتدیردی.

سونگرا بیر ناچه شاهیرلامیز غوشغی اوقادی.

قره جه اوغلان لاقامی بیلن آدلانیان چاغالار شاهیری نورنیاز آق چاغالارا دگیشلی یازان تازه شو غوشغی سینی اوقیدی.

گویزدن سونگرا قیش گلیار      قیشدا هوا ساوییار

هوا ساوجاق بولاندا      باللیم نهار قووی اییار

 

چیقدا گوزلانگ قار یاغیار      یرینگ یوزی آقاریار

آقجا قاری دفه لاب    منینگ باللیم یوره یار

 

آقجا سویدأ قایناب دور     هاچان ایچسه پایی بار

آقجا قارلانگ اوستنده         آیاجیغنینگ جایی بار

 

قره جه اوغلان آیدیار     منینگ باللیم یورتیار

هاچان یاتجاق بولاندا      اوستینه یورقان اورتیار

سونگرا شاهیر اراز نظری هم بیر غوشغی اوقیدی.

رجب مختوم هم بیر ناچه آرامیزدان ییتیب باریان سوزلره گوز آیلاب ترکمنصحرالی ترکمن حوکیمنده اوز شیوه لرمیز بیلن سوزلشملی وییتیب باریان سوزلری هم دیرلتملی دیب برک تابشیردی.

شول ساندان قاراغی قافیلدی-سومیگنی چکیب دور-چیقییماق- سوله-چلگی-توتی-قونجینا قور قوییلان یالی-قورکویزه-چومیریار-سویقا-دور دفل-ساقغار-یووسغا یالی سوزلری یادلادی.

اینگ قیزیقلی ایکی تاراپلایین گوررینگه چیقان سوز یوویسغا سوزی بولیب هر کیم بیر حیللی آچیقلادی.

چرکز اونق شیله دیدی میت(اولی)یوویلان سووا یوویسغا دیلیار- ملاتاجی ایزدی : اولن آدامینگ قابرینینگ داشینا جارچکیارلر بیر جار-ایکی جار باش جارا چنلی چکیلیار شونگا یوویسغا دییارلر دیدی.

قهار صوفی راد یولینگ کناریندا اولن آداملارنینگ اولن یرینده قوییلیان بللگ ، داشا یوویسغا دیلیار دیدی.

عاشر محمد رئوفی اولن آدامینگ اگین اشیکلرنی گومیب کیجی جک دفه یالی ادیب قوییلیان بللگه فلانی نگ یوویسغاسی دیلیار دیب آچیقلادی. رجب مختوم-بیرام ماد شیرمادلی هم بو اچیقلامانی تاصیقلادیلار.

سونگرا عاشر قولاق غوشغی اوقیماغا طیارلاندی ومن شو غوشغیمی کتابلاری دؤریب یورکام تاپدیم دیدی ولی ملا تاجی ایزدی کتاب دوریلمیار بلکی آختاریلیار دیدی. اول هم من بیر کتابینگ ایچندن تاپاماقدا کوپ کتابلاری دؤریب یورکأم تاپدیم دیدی  واخمد جهانی هم دؤرمگ سوزینی شوننیگ یالی دوغری بولیار دیب آچیقلادی.

 

حاجی محمد تاج محمدی هم اوز نوباسیندا شیله بیر غیسغاجا غوشغی اوقیدی.

گوزلرینگ گورنی برگین عقلینگا        گوزلرینگ شاهیرینگ گوزلری بولسین

الکده گچیریب سوزله سوزینگی     سوزلرینگ دانالانگ سوزلری بولسین

دیب غوتاردی.

خانم بی بی زلیخا کر هم کأ یاریملار مانگا سن آز غاتناشیارسینگ دییارلر. من بو یره آز گلسمده مکتبلرده غیزلارا فولکلور لاله-هودی- یادا قوپوز چالماق یالی زادلاری اؤورتیارین دیدی.

اوتیرشیغینگ سونگیندا عاشر قولاق قربان آیی  قولایلاب گلیار وقولی دارلارا وگرگلی بنده لره کمک برملی واحسان آدلی خیریه مرکزینی شو اوغردا بیر اولگی ونسخا دیب یادلادی وبرجگ کمکلرنگیزی شول مرکزه اوزیم غاوشیرایین دیب طیارلیق بیلدیردی.

شیله لیک بیلن اوچ ساغادا غولای دوام ادن بو اوتیرشیق هم سونگا یتدی.

عاشر محمد رئوفی خبرچی

 

 

 

 

نوشته شده توسط عاشرمحمد رئوفی در 1 بعد از ظهر |  لینک ثابت   • 

جمعه 6 اردیبهشت1392

میراث آدلی غوشغی و ادبیات اوجاغی هفته لیک اوتیرشیقنی گچیردی


بوگون گنبد شهرینده میراث آدین گوتریان غوشغی وادبیات اوجاقنینگ ینه بیر اوتیرشیغی بولدی. بوگونکی اوتیرشیق اونگکیلردن خاصدا آیراتینراقدی. سببی شاهیرلار جمشید آقچلی- تاج بی بی توماج- موسی قزلجه تاج محمد تاج محمدی- اراز نظری وعیسی ارازلی داغیلار اوز یازان غوشغی دیر ادبی بولک لرنی اوقاب بولاندان سونگرا ترکیه ده اوقاب یوران دوسیمیز شهروز آق آتابای نگ ترکمن دیل وخط اوغرینده بیر ناچه قیزیقلی دوشیندیرشلر گچیردی. بیر ساعت لاب دوام ادملی بو اوتیرشیق قیزیقلی بولانسونگ 3 ساعتا قولای دوام تاپدی.

شهروز بیر ناچه ترکمن الیب بی سی نینگ بیله کی ترک دنیالرینده ناحیلی یاغدایلاردا اویتگأندیگینی آوادانلاب آچیقلادی.

اول گوگ ترکلرالیب بی سی -اویغورلارینگ الیب بی سی عرب، کریل ولاتین الیب بی لریندن آغزاب گچدی.

ایران ترکمنلرینگ قدیم دان ایشله نیب گلیان یازو خطینی وتازه لیکده ایشله نیب یوران خطلارینگ آراسیندا اونچاقلی تفاوت یوق دیغینی بیرناچه یوقین وقیسغا چکیملی سوزلر بیلن دوشیندیردی. اول سوزینینگ دوامیندا خطلارینگ یازو فورماسیندا قوییلیان بلگی لرینگ ایلالاشیق بیلن اویتگه دیلیاندیگنی خبر بردی.

اول اوز قارایشیندا بیرناچه خط یازولاری یازماقدا شول قدیم خط بیلن ایلالاشیاندیغیندان گوررینگ بردی.

شیله لیک بیلن ساغت 11 ده باشلان بو اوتیرشیق ساعت 14 سونگا یتدی.

گنبدشهرنینگ خبرچیسی : عاشرمحمد رئوفی(قولاق)

نوشته شده توسط عاشرمحمد رئوفی در 4 بعد از ظهر |  لینک ثابت   •